Sanloko senior mailako taldeek, Laukok eta Alcorta Forging Groupek zaleen aurrean jokatu zuten Gipuzkoako Kopako finala, joan den zapatuan, Olaizaga kiroldegian. Laukok Zarauzko Aiala taldearen aurka jokatu zuen eta elgoibartarrak nagusitu ziren 30-35eko emaitzarekin (ikus partidako argazkiak). Nesken taldea kopa jasotzen ikusi ostean irten ziren kantxara senior gizonen mailako finala jokatu zuten Alcorta Forging Group eta Errenteriako Ereintza taldea. Partida lehiatua eta gogorra jokatu zuten bi taldeek. Oreretarrek partida hasieran aurrea hartu zuten markagailuan eta abantailari eusten asmatu zuten. Bost goleko aldeaz irabazi zuten finala (30-25).
Azkenik, Bankoa kadete mutilen taldeak Irunen jokatu zuen Gipuzkoako Kopako finala. Elgoibartarrekin batera, Zarautz eta Bidasoa taldeek jokatu zuten hiru taldeen arteko finala. Lehen partidan gol bakarreko aldeaz galdu zuten elgoibartarrek zarauztarren aurka, 17-18. Bidasoaren aurkako partidan 20-22 irabazi zuten Bankoakoek, baina ez zen titulua eskuratzeko nahikoa izan. Zarautzeko taldeak irabazi zuen txapelketa, Bidasoari 24-16 irabazita.
Honenbestez, zortzi final jokatu dituzte amaitzear den denboraldian Sanloko taldeek.
