Sanlok antolatuta eskubaloiari loturiko hainbat ekitaldi izan ziren, joan den zapatuan, Elgoibarren. Eskubaloi eguna egin zuten goizean Kalegoen plazan, eta 80 neska-mutilek hartu zuten parte Sanlokoek antolatutako partidetan. Eguerdian, berriz, 450 bat lagun inguru batu ziren Sanlo Festan. Sigmako aparkaleku estalian bazkaldu zuten eta bazkalostean urteko jokalari aipagarrienei oroigarriak banatu zizkieten. Hamazortzi lagunek jaso zuten errekonozimendua.
Federazioaren sariak
Gipuzkoako Eskubaloi Federazioak urtero banatzen dituen sarietan Bankoa Elgoibar kadete mutilen taldeak bi sari jaso ditu; Gipuzkoako txapeldun izateagatik bata, eta Kiroltasunaren saria bestea. Horrez gainera, taldeko jokalari Alejandro Beraza Santiagok Gipuzkoako goleatzaile onenaren saria lortu du.
•Argazkiak (sanlo.net)
