19:00etan hasiko dituzte gaur (irailak 25) San Migel jaiak Aiastian, ohiko kanpai jotzearekin. Ondoren, 21:00etan, Haritz Euskal Dantzari Taldearen ekitaldia izango dute, istripuz hil zen Borja Uzuriaga aiastiarraren omenez, Murkaikupe frontoian. Gazteen afaria izango da gero 22:30ean.
Asteburua, berriz, ekitaldiz bete-betea dator. Umeentzako jolasak, bazkaria eta parkea izango dira bihar, 13:00etatik 17:00ak bitartean, eta ordu horretan hasiko da urteroko artzain txakur txapelketa, bederatzigarrena –Euskal Herriko arraza libreko finala izango da–. Gauean, berriz, eta urtero legez, bertso-afaria egingo dute, eta aurten Amets Arzallus eta Andoni Egaña izango dira bertsolari gonbidatuak. Ondorenerako erromeria eta bolo txapelketa antolatu dituzte.
Domekan, berriz, Aiastiako Igoera korrika eta Idi-demak izango dira eguneko ekitaldi nagusiak, eta egun bateko atsedena hartuta, martitzenean, San Migel egunean bukatuko dituzte jaiak. Hona hemen egitaraua.
25, BARIXAKUA
• 19:00 Jaien hasiera.
• 21:00 Haritz EDTren ekitaldia Borja Uzuriagaren omenez.
• 22:30 Gazte afaria.
• Ondoren, Disko festa.
26, ZAPATUA
• 13:00 Umeentzako jolasak.
• Jarraian, umeentzako bazkaria.
• Bazkalostean, umeentzako parkea.
• 17:00 Artzain txakur txapelketa.
• 21:00 Bertso afaria. Amets Arzallus eta Andoni Egaña.
• Ondoren, erromeria.
• 01:00 Bolo txapelketa.
Sariak:
1. 100 euro eta txapela.
2. 70 euro.
3. 50 euro.
4. 25 euro.
5. Sorpresa.
Auzoko lehenengoarentzat garaikurra.
27, DOMEKA
• 11:00 Meza.
• Jarraian, Baltzola anaiak trikitilariak.
• 12:00 Aiastiako VIII. igoera korrika.
• 14:30 Bazkaria.
• 17:00 Idi-demak
Sariak:
1.saria: 900 €, garaikurra eta mantak.
2.saria: 800 € eta garaikurra.
3.saria: 700 € eta garaikurra.
Ondoren, Baltzola anaiak trikitilariak.
29, MARTITZENA (San Migel Eguna)
• 11:30 Meza
• Jarraian, ‘Ziarda’ eta ‘Mañukorta’ bertsolarien saioa.
• Ondoren, esku-pilota finala.
• 14:30 Bazkaria.
• Bazkalostean, erromeria Elustondo anai-arrebak trikitilariekin.
• 21:00 Afaria.
• Jarraian, erromeria Elustondo anai-arrebak trikitilariekin.