Haur Hezkuntzako bigarren mailatik hasita Lehen Hezkuntzako seigarren mailara arteko umeentzako eskaintza prestatu dute Elgoibarko Izarrako Atxutxiamaika Sailak eta Ludotekak elkarlanean, Udalarekin lankidetzan. Ekintza horietan parte hartu nahi dutenek aurrez eman beharko dute izena, eta antolatzaileek gogorarazi dute, plazak mugatuak izango direla. Ekintza bakoitzak bere prezioa izango du, eta nahi izanez gero, bi epealditan ordaintzeko aukera ere badago. Horrez gain, DSBL (AGI), DBE (RGI) eta GLL (AES) jasotzen duten familiek %70eko deskontua izango dute, eta familia ugarientzako edo bigarren seme-alabagatiko deskontua %30ekoa izango da. Interesatuek martxoaren 6tik 16ra bitartean eman beharko dute izena Elgoibarko Izarran, Ludotekan edo www.elgoibarkoizarra.eus webgunean. Lau adin tartetan banatu dituzte haurrak, eta adin tarte bakoitzera egokitu dituzte planak.
1. Apariketan (HH2-HH4)
Apirilaren 10etik 12ra eta 18tik 21era izango da, 09:00etatik 13:00etara. HH2tik HH4ra bitarteko umeak parrokiako arkupeetan batuko dira, Apariketan jolasteko. Eskaintza honen prezioa 56 eurokoa izango da (Elgoibarko Izarrako eta Ludotekako bazkideek: 50,5 euro). Nahi duenak goiz txoko zerbitzua kontratatzeko aukera izango du, 07:30etik 09:00etara.
2. Firin-faran (HH5-LH1)
HH5etik LH1era bitarteko haurrak ere Parrokiako arkupeetan ibiliko dira Firinfaran, apirilaren 10etik 12ra eta 18tik 21era. Horrez gain, apirilaren 20an egun osoko irteera bat egingo dute 18:00ak arte. Eskaintza honen prezioa 64 eurokoa izango da (Elgoibarko Izarrako eta Ludotekako bazkideek: 57,5 euro). Egitasmo honen ordutegia 09:00etatik 13:00etara izango da, baina adin tarte honetako umeentzako ere eskainiko dute goiz txoko zerbitzua 07:30etik 09:00etara.
3. Abixadan (LH2-LH3)
Maalako parkean batuko dira apirilaren 10ean,11n, 18an eta 19an goizez. Eskaintza honek 32 euro balio ditu (Elgoibarko Izarrako eta Ludotekako bazkideek: 29 euro). 09:00etatik 13:00etara bilduko dira, baina nahi duenak goiz-txoko zerbitzua
izango du aukeran, 07:30etik 09:00etara. Apirilaren 20an, bestalde, egun osoko irteera egingo dute Basondora. Prezioa 16 euroan jarri dute (Elgoibarko Izarrako eta Ludotekako bazkideek: 14 euro).
4. Aldenik-alden (LH4-LH6)
LH4tik LH6rako ikasleentzeko Aldenikalden egitasmoa prestatu dute. Zarautzen egingo dute egonaldia apirilaren 18tik 21era, eta besteak beste, surf ikastaroa egingo dute. Baina egonaldian egingo dituzten gainerako ekintzak oraindik zehazteke daude, izan ere, gaztetxoekin eurekin adostu nahi dute programaketa. Horretarako mar txoaren 24an batuko dira Kultur Etxeko sotoan, 18:00etan. Aldenik-alden egitasmoaren prezioa 96 eurokoa izango da (Elgoibarko Izarrako eta Ludotekako bazkideek: 86,5 euro).
• Gaztelekuaren eskaintza
Gaztelekuak bestalde, DBHko eta Batxilergoko nerabeentzako eskaintza egingo du Pazko Asterako. Batzarra egingo dute lehenengo, gazteen nahiak eta beharrak ezagutzeko, azken batean, nerabeen parte-hartzean oinarritutako eskaintza prestatu nahi dutelako. Bilera martxoaren 10ean izango da, 17:30ean.