Gipuzkoako bidegorrien foru sarearekin lotuta, 2017an zati berriak eraikitzea eta beste batzuk eraikitzeko proiektuak idaztea aurreikusten du Gipuzkoako Foru Aldundiko Mugikortasun eta Lurralde Antolaketa departamenduak. Azitain eta Maltzaga lotuko dituen bidegorriaren kasuan, eraikuntza proiektua idazteko zerbitzua kontratatzeko lehiaketa deialdia argitaratu dute Gipuzkoako Aldizkari Ofizialean. Lizitazioaren oinarrizko aurrekontua 200.000 eurokoa izango da eta lehiaketa irabazten duen enpesak bost hilabeteko epea izango du proiektua idazteko.
• Lan "konplexua" eta kostu handikoa
Mugikortasuneko eta Lurralde Antolaketako Diputatu Marisol Garmendiak adierazi duenez, 1,5 kilometroko bidegorri zatia izan arren, lan “konplexua eta garrantzitsua” izango da Azitain eta Maltzaga arteko bidegorria egitea. Garmendiak zehaztu duenez, inguru horretako orografia dela-eta, bidegorria eraikitzeko zailtasun handiak daude eta horiek gainditzeko kostu handiko lanak egin beharra dago. Diputazioa eta Eibarko Udala saiatu ziren orain dela urte batzuk ere Azitain eta Maltzaga arteko bidegorria egiteko proiektua martxan jartzen, baina aurrekontua handiegia zela-eta asmo horiek atzeratzea erabaki zuten 2012an. Lanek lau milioi eurotik gorako kostua izango zutela aurreikusi zuten orduan. Deba ibaiaren eta trenbidearen ondoan eraiki beharrak zailtzen ditu lanak eta Eusko Trenbide Sarea eta Ura agentziaren lurretan eraiki beharko dutenez, horiekin adostu behar dituzte baldintzak. Era berean, Elgoibartik datorren bidegorriarekin nola lotu proposatu beharko du lehiaketa irabazten duen enpresak.
Azitain eta Maltzaga arteko bidegorria egiten dutenean Elgoibarko bidegorriarekin bakarrik ez, Soraluzerekin ere lotu ahal izango da Eibartik datorren bidea. Hala, Debabarrena eta Debagoiena eskualdeak batzeko aukera izango da, dagoeneko eraikita baitago Soraluze eta Bergara arteko bidegorria.
- Gipuzkoako bidegorri sareari buruzko informazio osoagoa: gipuzkoabizikletaz.eus
∞Lotura duten albisteak:
-
Hondoratzeko arriskua dagoela-eta itxi dute bidegorria (2016-03-02)
- Auto bat erori da A8 autobidetik Maltzagako bidegorrian, beste behin ere (2014-11-30)
-
Elgoibar eta Ermua lotuko dituen bidegorria eskatzeko sinadura kanpaina hasi du Esperientzia Eskolak (2014-05-20)
- Elgoibartik Ermuraino, bizikletaz eta trafikorik gabe (2009-11-11)
- Bidegorriak: bata prest eta gehiago bidean (2009-09-17)
- Hasi dira Maltzaga eta Andikano arteko bide gorria egiteko lanak (2009-03-24)
- Bide Gorria egiteko lanak Murias enpresari esleitu dizkio Diputazioak (2008-11-27 elgoiBARREN.net)
- Urte bukaeran hasiko dira Elgoibar eta Maltzaga arteko bidegorria egiten (2008-05-07 elgoiBARREN.net)
- Atzeratu egin dira bide gorria egiteko lanak (2007-10-24 elgoiBARREN.net)
- Bide gorria egingo dute Andikano eta Maltzaga artean 2007an (2006-11-14 elgoibarren.net)
- Bide Gorriak (Urrutira gabe/Asier Etxaniz)