Euskarazko komunikabideek saio bateratua egingo dute Korrikaren hasieran. Hedabide bakoitzaren webgunean —besteak beste, barren.eus-en—, ETB1en, Hamaikan, Xaloan eta Tokikom elkarteko telebistetan ikusi ahalko da saioa zuzenean Korrika hasiko den egunean, 16:00etatik aurrera.
Ilaski Serrano ETBkoa eta Ekhiñe Atorrasagasti Hamaikakoa izango dira aurkezle, eta beste hedabideetako kazetariak berriemaile lanetan ariko dira. Elkarrizketak eta, batez ere, Otxandioko giroa eskainiko ditu saioak zuzenean. Korrikaren lehen kilometroak ere jarraitu ahal izango dira 20. Korrikaren abiatzea saioan.