Neska futbolariak Kalegoen plazan arituko dira futbolean barixakuan, Nesken Futbolaren Egunean. Futbol Eskolako umeak Kalegoen Plazan, Plaza Txikian eta Lekuederreko kantxan aritu ziren futbolean duela bi urte, C.D. Elgoibarren mendeurrena ospatzeko ekitaldietako batean, eta iaz ere plazara atera zuten fubola, nesken artean futbola sustatzeko helburuarekin.
Aurtengoan 2007tik 2010era bitartean jaiotako neskek hartuko dute parte ekitaldian, eta Futbol Eskolan diharduten hainbat mutil ere batuko dira ekimenera. 17:30etik 19:00etara arituko dira futbolean Kalegoen plazan, Realeko teknikariek gidatuko dituzten partida eta saioetan.
Parte hartu nahi duten neska-mutilek Kaia tabernan eman dezakete izena edo honako telefono zenbakira dei eginda ere bai: 619 158 774. Izena emateko azken eguna apirilaren 4a, eguena, izango da.
∞Lotura duten albisteak