Markel Kerexetak Jabi Muñozi irabazi zion (2-0) Udaberri Xake Txapelketako finalaurrekoetako batean (*beheko argazkian) eta Jon Esnaolak Mikel Leon kanporatu zuen (1,5-05).
Kanporaketetara sailkatu ez ziren xakelariek jokatu duten Kopa txapelketan, berriz, Iker Ruiz da finalerako sailkatu den lehen xakelaria, Julen Agirreri irabazi eta gero (*goiko argazkian). Astelehenean arratsaldean jokatuko dute bigarren finalerdia, Eneko Alberdi azpeitiarrak eta Aitor Fernandez elgoibartarrak. Finalak, kopakoa zein ligakoa, ekainaren 20an jokatuko dituzte Iriondo tabernan, 18:30ean.
Elgoibar Xake Festa eta Olan Arkitektura xake azkar txapelketa
Elgoibarko xake taldeak umeentzako xake festa antolatu du ekainaren 23rako. Kultur Etxeko sotoan izango da (10:30), eta 14 urtera arteko umeek har dezakete parte. Izena emateko Elgoibarchess@gmail.com helbidera idatzi edo 637 737 113 telefono zenbakira whatsap bat bidali. Aurreko egunerako, ekainaren 22rako, Olan Arkitektura xake azkar txapelketa ere antolatu dute. Kalebarren plazan jokatuko dute txapelketa, 16:00etatik aurrera. ELO Fiderako puntuagarria izango da, eta 60 xakelarirentzako lekua egongo dela ohartarazi dute antolatzaileek. Parte hartzaile guztien artean urdaiazpiko bat zozkatuko dutela ere jakinarazi dute. Izena emateko Elgoibarchess@gmail.com helbidera idatzi behar da.
*Argazkiak: Elgoibar Xake Taldea.
