Iberdrola Ligako klub bakoitzak hiru izen eman ditu, arloz arlo, eta Espainiako Eskubaloi Federazioak horien alde bozka emateko hainbat bide ireki ditu, uztailaren 1era bitartean: Federazioko aplikazioak botuen %60a suposatuko du eta Twitter, Facebook, Instagram eta YouTube plataformek, aldiz, %10na. Botoa emateko sartu www.rfebm.com helbidean.
Hotel Gran Bilbao Prosetecnisa Zuazo Barakaldoko eskubaloi taldeko hiru jokalari daude hautagaien artean, tartean June Loidi. Batetik, defentsa onena izateko hautagaien artean dago Loidi. Elisabet Cesáreo (Aula Alimentos de Valladolid) eta Nekane Terés (Super Amara Bera Bera) izango ditu aurkari defentsa onenaren izendapena lortzeko bozketan. Eta, bestetik, jokalari gazte onenaren saria eskuratzeko hautagaia ere bada elgoibartarra, María Palomo (Helvetia Alcobendas) eta Rocío Rojas (Balonmano Morvedre) jokalariekin batera.
Hamaika sari banatuko dituzte guztira. Joko posizio bakoitzari dagokion zazpi sariez gainera, defentsa onena, jokalari gazte onena, entrenatzaile onena eta Ligako jokalari onenaren saria.
∞Lotura duten albisteak:
-
Europako eskubaloi txapelketak jokatuko dituzte June Loidik eta Julen Urruzolak Espainiako selekzioarekin (2019-06-05)
-
June Loidi nazioarteko txapelketa bat jokatzeko deitu du Espainiako selekzioak (2019-03-01)
-
Barakaldoko Zuazo eskubaloi taldean jokatuko du June Loidi elgoibartarrak (2018-06-18)
-
Nahia Legorburu eta June Loidi Emakumezkoen Euskal Selekzio nagusiaren deialdian (2018-06-07)
- June Loidik Munduko Eskubaloi Txapelketa jokatuko du Espainarekin Polonian (2018-05-29)
- June Loidi eta Asier Urain Euskadiko jokalari onenak (2017-05-31)