Eskolak barixakuetan izango dira IMHn, 17:00etatik 19:00etara, eta ikasle bakoitzak hilean 36 euro ordaindu beharko ditu (Elgoibarkoak ez direnak, 66 euro). Udalaren helburua industria sustatzea da, teknologia sektorerako profesionalak prestatuz. Doplay enpresarekin elkarlanean antolatu dute tailerra, eta modu dibertigarrian landuko dituzte gaiak. Robotak diseinatzeko, eraikitzeko eta programatzeko, bideojokoak sortzeko eta asmakuntza teknologikoak garatzeko teknikak landuko dituzte, besteak beste. Urriaren 4an hasiko da ikasturtea. Interesatuek http://bit.ly/robotikaelgoibar helbidean eman dezakete izena, irailaren 30era arte.