Manresan (Bartzelona, Herrialde Katalanak) 2016an 14 urteko emakume bat bortxatzea egotzita, zazpi gizon daude auziperatuak, eta egunotan izaten ari da epaiketa. Atzo hainbat herritan egin zituzten mobilizazioak, biktimari babesa adierazi eta gertatutakoa bortxaketa izan zela aldarrikatzeko, "ez abusua". “Nik sinisten zaitut” lema baliatu zuten horretarako.
Bartzelonako Probintzia-auzitegian egiten diharduten epaiketan, fiskaltzak sexu-abusu jarraituak leporatzen dizkie sei auzipeturi. Zazpigarren akusatuari, aldiz, bortxaketa ikusi bitartean masturbatzea eta ez galaraztea egozten diote. Fiskaltzak jakinarazi du hamar eta hamabi urteko espetxe zigorra eskatuko duela auzipetuentzako.