Julian San Juanen Oroimenezko San Pedroko igoeraren 28. edizioa jokatu behar zuten zapatuan, urriaren 12an, baina azaroaren 17ra atzeratu behar izan dutela jakitera eman du Elgoibarko Lagun Taldea txirrindulari eskolak. Taldeko presidentea den Juan Ramon Bellonek argitu duenez, lasterketa jokatu ahal izateko baimenekin arazoak izan dituztelako hartu dute erabakia. "Horrelako probak antolatzerakoan neurri zorrotzagoak eskatzen dituzte orain eta zapaturako bete ezingo ditugunez, mugatuta jokatu baino, azaroaren 17ra atzeratzea erabaki dugu", azaldu du. Hasiberrien akatsa izan dela aitortu du. Izan ere, duela bi urtera arte Gipuzkoako Txirrindularitza Federazioa arduratzen zen proba antolatzeaz, baina iaz Lagun Taldeakoen arduran laga zuten zeregin hori. "Iazkoa izan zen guk bakarrik antolatutako aurrenekoa, baina prest laga ziguten ia dena, aurtengoan, ordea, ...ez dugu asmatu. Gaur bertan jakin dugu ezingo genuela proba antolatu, eskatzen dizkiguten baldintza guztiak ez ditugulako betetzen. Horrela ikasten da eta hurrengo urtekoa urriaren 12an jokatuko da berriro ere", esan du.
Iaz 58 txirrindularik hartu zuten parte, eta Iker Eskibel eta Amaia Urkidi gailendu ziren. Eskibel aretxabaltarrak jarraian lortzen zuen hirugarren garaipena eskuratu zuen, baina ez zuen ondu 2017an ezarri zuen errekorra: 13 minutu eta 17 segundo.
•Azken urteetako irabazleak:
- 2018 Iker Eskibel eta Amaia Urkidi
- 2017 Iker Eskibel
- 2016 Iker Eskibel eta Maite Maiora
- 2015 Ramon Garcia
- 2014 Josu Uriarte
- 2013 Jorge Gonzalez
- 2012 Mikel Hernandez eta Ainhoa Lendinez
- 2011 Iñigo Lazkano eta Ainhoa Lendinez
- 2010 Iñigo Lazkano eta Ainhoa Lendinez
- 2009 Josu Uriarte
- 2008 Josu Uriarte eta Ainhoa Lendinez
- 2007 Vicente Gonzalez
- 2006 Jorge Gonzalez
- 2005 Iñigo Lariz eta Ane Mendia
- 2004 Ramon Garcia eta Gotzone Aierdi
- 2003 Iñigo Lariz
- 2002 Iñigo Lariz
- 2001 Iñigo Lariz
- 2000 Iñigo Lariz
- 1999 Jose Mari Fernandez eta Ismene Fulgencio
- 1998 Ramon Garcia
- 1996 Jose Mari Fernandez
- 1995 Aitor Etxaniz eta Inma Ruiz