Hiru otarre edo saski egongo dira aukeran:
- Ahuzki, 40 €.
- Irati, 55 €
- Orhi, 70 €.
Zuberoako ikastolei lagundu eta hango produktuekin gozatu nahi dutenek, azaroaren 27a baino lehen idatzi edo deitu behar dute Elgoibarko Izarrara. Ikaskoli-ren webgunetik ere egin daitezke eskariak.
- E-posta: elgoibarkoizarra@elgoibarkoizarra.eus
- Telefonoa: 943 74 16 26
2003an egin zuten estreinakoz Zuberoako ikastolei laguntzeko ekimen hau, hurrengo hiru helburu nagusi hauekin:
- Ikastolaren finantzazioan laguntzea. Seme-alabek euskaraz ikasteagatik, gurasoek finantzazioaren %30 jartzen dute eta administrazioek, %20. Gainerako %50, hau bezalako gizarte ekimenen bidez eskuratzen dute. Salmenta honekin %5 estaltzea espero dute; beraz, kanpaina hau garrantzitsua da Xiberoko Ikastoleentzat.
- Euskararen erabilera haunditzea Xiberoan eta bereziki ikastoleetan: pasa den urteko salmentari esker, Xiberoan dituzten bi ikastoletarako baliabideak hobetu dituzte euskararen presentzia areagotzeko.
- Tokiko ekoizleak eta produktuak ezagutaraztea, Zuberoako etxalde eta enpresetako ekoizpenak dituzten otarreak eskainiz.
