Beti Gazte edo Hernani izango da Haundiren aurkaria igotzeko kanporaketan

Barren.eus 2021ko api. 28a, 12:10
Deskargatu Info Ahotsak :

Hirugarren mailarako igoera faserako sailkatuta dago Haundi, baina aurkaria zein izango den argitzea falta da. Berez argituta behar luke, amaitu baita Gipuzkoako ohorezko mailako liga txapelketako lehen fasea, baina Mutrikuk eta Bergarak jokatu beharreko azken jardunaldiko partida atzeratu egin behar izan zuten, joan den asteburuan, Mutrikuko taldean egon diren bi koronabirus kasugatik.

Asteburu honetan jokatuko dute Mutrikuk eta Bergarak elkarren arteko lehia. Bergarako taldea igoera kanporaketa jokatzeko sailkatuta dago, eta Mutrikuk berdinketa batekin lortuko luke sailkapena. Era berean, partida horretako emaitzak eragina izango du Haundiren azken sailkapenean. Mutrikuk partida hori irabazten badu, multzoko laugarren postuan amaituko du Haundik eta hirugarrenean bestela. Laugarren geldituz gero, beste multzoko lehen sailkatuaren aurka jokatuko dute elgoibartarrek final-laurdenetako kanporaketa. Hau da, Lesakako Beti Gazteren aurka. Hirugarren postuan sailkatuz gero, Ohorezko Mailako Hernani taldea izango da Haundiren aurkaria. Final laurdenak eta finalerdiak joaneko eta bueltako partiduan erabakiko dira eta finala berriz, partida bakarrera.

Lehen faseko azken jardunaldian, joan den zapatuan, banako berdinketa eskuratu zuen Haundik Zumarragan, Urolaren aurka jokatutako partidan, eta honenbestez bere multzoko bigarren postuan sailkatzeko aukera galdu zuen.

C.D.Elgoibarreko taldeen emaitzak:

  • Urola 1 - Haundi  1 (Ohorezko Erregional Maila)
  • Elgoibar 0 - Goieri Gorri 0 (Emakumezkoen talde nagusia)
  • Elgoibar 4 - Amaikak Bat 0 (Ohorezko jubenilak)
  • Urola 3 Elgoibar 1 (Jebenilak 1. maila)
  • Aretxabaleta 3 - Elgoibar 2 (Ohorezko mailako kadeteak)

Asteburuko partiden ordutegia:

  • Zapatua, maiatzak 1, 10:00etan Elgoibar - Arrasate C (Lehen mailako kadeteak)
  • Zapatua, maiatzak 1, 12:15ean Elgoibar - Urki (Ohorezko kadeteak)
  • Zapatua, maiatzak 1, 16:00etan Elgoibar - Anaitasuna (Lehen mailako jubenilak)

∞Lotura duten albisteak:

Kirola Elgoibar