Tropela Oñatiko Foruen Enparantzatik irten zen 10:00etan eta eguerdian ailegatu zen Elgoibarrera, Maalako parkera. Segidan, Kalebarren plazan egin zuten ekitaldia. Bizikleta martxako parte hartzaileei eskerrak eman ostean, Joseba Arregi eta Sebas Etxaniz preso adinduen senideak, eta deportatuta dagoen Josu Larizen eta gaixo dagoen Gotzon Telleriaren senideak igo arazi zituzten oholtza gainera, lora eskaintza egiteko. Omenaldiaren ondoren, Judas Argarate taldeak bi abesti jo zituen. Sarek youtubera igo duen honako bideoan ikus dezakezue bizikleta martxaren eta ekitaldiaren laburpena:
Sarek 'Ibilian Ibilian etxerako bidean' lelopean egingo duten dinamika aurkeztu zuen aurreko astean. Hainbat martxa eta mobilizazio aurreikusten dituzte datozen hilabeteetarako, eta Debagoiena eta Debabarrena artean egin duten bizikleta martxa izan da aurrenekoa.
∞Lotura duten albisteak: