Eibarren hasiko da Itzuliko seigarren eta azken etapa, eta ohi moduan Arraten amaituko da, 135 kilometroko ibilbidea osatu ostean. Antolakuntzatik zabaldu duten ibilbide-orriaren arabera, etapari 14:05ean hasiera eman eta gero, 14:08ean pasako dira Elgoibartik eta 14:17an Mendarotik. Etapa amaieran pasako dira txirrundaliak bigarrengoz Elgoibarko errepideetatik, Urkaregi mendatetik behera sartuko baitira Elgoibarren (etapako 121. kilometroan), 17:00ak aldera, Eibarrera bidean.