Lau talde arituko dira lehian elkarren aurka eta bakarrak lortuko du igoera. Hori, baina, domekan jakingo dugu, 13:00ak aldera. Aurrez, sei partida joktu beharko dituzte Lehen Nazional Mailara igotzeko fasean.
Alcortak Fundació Handbol Sant Vicenç Kataluniako taldearen aurka egingo du debuta barikuan, 20:00etan. Aurrez, 18:00etan, B.M. Loyola talde nafarrak eta Gourmet Del Mar Calasancio talde errioxarrak neurtuko dituzte indarrak.
Zapatuko jardunaldia Loyola eta San Vincenc taldeen arteko lehiarekin hasiko da, 17:30ean. Alcortak 19:30ean jokatuko du Calasancioren aurkako partida. Domekan, 10:00etan jokatuko da aurreneko partida (San Vincenc Vs Calasancio) eta Alcortak 12:00etan jokatuko du Loyolaren aurkako partida.
Fasea Internetez jarraitzeko aukera ere izango da, streaming bidez zuzenean emango dituzte-eta partida guztiak, Sanloren Youtubeko kanaletik.
∞Lotura duten albisteak:
- Alcortak Elgoibarren jokatuko du Estatuko Lehen Nazional mailara igotzeko Lauko Finaletako bat (2022-04-27)
- Alcorta, Euskadiko Txapeldun (2022-04-13)
- Igoera kanporaketeratako sailkapena ziurtatu eta gero Euskadiko txapeldun izan nahi du Alcortak (2022-04-07)
- Borrokan jarraitzen dute Sanloko taldeek, igoeragatik Alcortak eta jaitsiera sahiesteko Gaurvek (2022-03-23)
- Zigor Esnaola: “Mailaz igotzea izango litzateke Vuchy-rentzat omenaldirik onena” (2022-01-28)