Euskal Herrian jokatzen diren mendi bizikleta txapelketarik garrantzitsuenetarikoa den Green Series XCO txapelketan lehiatzen ari da Iñigo Lariz, eta zazpi proba jokatu eta gero, bere kategoriako (Master 30) sailkapenean hirugarren postuan ailegatuko da azkenaurreko probara, ekainaren 19an Barakaldon jokatuko duten lasterketara.
Txapelketako azken bi probetan podiumeko hirugarren kaxoira igo da Lariz, Zallan eta Amurrion jokatutako lasterketetan, hain zuzen ere. Emaitza horiei esker, sailkapen nagusiko hirugarren postuari eutsi dio Elgoibarko Lagun Taldea-Gobike taldeko txirrindulariak. Larizek 950 puntu ditu, 1160 ditu Gaizka Larzabalek eta 1200 Iñaki Meabek, liderrak.
Gainera, Barakaldon jokatzekoak diren proba Euskal Herriko Txapelketa ere izango da.
