Elgoibarko Udal Kirol Patronatuak abuztuaren 24an eta 26an jokatuko dituzten pilota profesionaleko bi jaialdietan parte hartuko duten pilotarien karteldegia jakinarazi du gaur. Partidak Ikastolako frontoian jokatuko dituzte, 24koa 18:00etan eta 26koa gaueko 22:00etan. Azken hori ETB1en emango dute zuzenean. Hortaz, Txiki Egunean ohikoa zen pilota jaialdia egunez aldatu dute. Txiki Eguneko bazkaria oso berandu izaten dela-eta gero eta jende gutxiago joaten zela frontoira arrazoitu dute udal arduradunek, eta egunez aldatzea erabaki dute.
Sarrerei dagokionez, aldez aurretik Kaia tabernan salduko dituzte, eta egunean bertan frontoian.
Honakoak dira partidak:
Abuztuak 24:
- Zabala – Bikuña
- Egiguren V – Erostarbe
- Ezkurdia – Zabaleta
- Altuna III – Rezusta
Abuztuak 26:
- Bakaikoa – Morgaetxebarria
- Zubizarreta – Eskiroz
- Laso – Aranguren
- Jaka - Albisu
∞Lotura duten albisteak: