Jantzi tradizional horiek, zapiak, abarkak eta bestelakoak egoki nola jantzi behar diren jakin nahi dutenek Haritz Euskal Dantzari Taldekoek eta Inazio Bereziartua eskolakoek prestatu duten ikastaroan izango dute horretarako aukera. Eguazten honetan, abenduaren 14an, emango dute ikastaroa, Aita Agirre kulturguneko Areto Nagusian. 19:30ean hasiko da eta debaldekoa izango da. Antolatzaileek parte hartzera animatu dituzte herritarrak.
