Denen artean 700 zuhaitz landare landatu zituzten lurjabe bik Lurgaia Fundazioari eta Baso Biziak taldeari lagatako bosna hektareako bi sailetan, besteak beste, pagoak, haritzak, lertsunak eta sagarmiak. "Zuen babesa oso garrantzitsua da guretzat eta zoragarria da elkarrekin gauza handiak lor ditzakegula ikustea", adierazi dute Elgoibarko Baso Biziak taldekoek boluntarioek eginiko lanaz. "Eskerrik asko landaketa honetan parte hartu duzuen guztioi. Zuhaitzak landatzen aritu zaratenoi, Lurgaia Fundazioari, lurjabeei, materiala traktorean igo digunari, Soraluzeko Baso Biziak elkarteari landaketarako tresnak lagatzearren, hamaiketako zoragarria prestatu diguzuenoi, Sallobente elkartekoei eta Danobat kooperatibari. Eskerrik asko guztioi!", adierazi dute. (ikus bideoan)
*Argazkiak: Elgoibarko Baso Biziak.
∞Lotura duten albisteak: