Martxoaren hasieran hasi zuen Udalak desfibriladoreak behar bezala erabiltzeko gai diren boluntarioak erakartzeko kanpaina. Lehenengo deialdia funtzionarioei, irakasleei eta ikastetxeetako langileei, guraso-elkarteetako kidei, elkarteei eta kirol-klubei zuzenduta zegoen. Bigarrena, berriz, gainerako herritar guztiei. Eta guztira 80 pertsona inguruk eman dute orain arte izena. Orain, berriz, desfibriladoreak erabiltzeko oinarrizko prestakuntza baduten pertsonei zuzendu zaie Udala boluntario-sarean izena emateko. Horiek ez dute ikastaroa egin beharrik izango. Izena emateko azken eguna apirilaren 27a izango da eta hurrengo estekan sartuta eman ahal izango da: https://labur.eus/sareaelgoibarkardiobabestua.
Udalak 46.770 euroko inbertsioa egin du ekimen honetan (BEZ kontuan hartu gabe).
∞Lotura duten albisteak: