Lehia eta ospakizuna batu zituzten Bolari Egunean, joan den ekainaren 10ean. Izan ere, goizeanAzpeitiko Garmendipeko bolatokian, Lehendakari Saria jokatu zuten aurreko astean Aiastian bukatu zen Gipukoako Txapelketan lehen 64 postuetan sailkatu ziren bolariek. Mateo Guenaga gailendu zen kanporaketa formatoa eduki zuen txapelketan. Lehiaren ostean, bazkaltzeko elkartu ziren parte hartzaileak eta antolatzaileak, eta aurtengo sariak banatu zituzten bazkalostean. Sari banaketaz gain, Azpeitiko Garmendipe taldeko kide zen Andres Calero 'Pelos' zena omentzeko tartea ere hartu zuten Kiruri jatetxean elkartutakoek.
Sariei dagokienez, hauek dira Gipuzkoako 52. Hiru Txirlo Bola Joko Txapelketan aurten nabarmendu direnak:
- Gipuzkoako txapeldunak: Lander Odiaga eta Isana Gorosabel.
- Lehendakari sariaren irabazlea: Mateo Guenaga.
- Nagusien mailako irabazlea: Pedro Gomez.
- Bikoteka txapeldun: Xabier Loiola eta Imanol Osoro (San Migel A).
- Taldeka txapeldun: Asola Berri A.
∞Lotura duten albisteak:
