Herriko plazan herritar ugari zituzten zain, eta prest sutzarra. Akelarreko kideek zenbait zuzi sutzarraren bueltan laga zituzten eta dantzan egin zuten gero. Soinu-ekipoarekin arazoak eduki zituzten arren, hainbat dantza egin zituzten euskal dantza taldeko haur, gazte eta helduek zein dantza modernoko ikasleek.
Denak zain zeuden unea ailegatu zen dantzen ostean, sutzarra piztea. San Joan bezpera gaua argitu eta berotu zuen suak. Su txikiago bat ere ixotu zuten handiagoaren ondoan, eta suaren gainetik jauzika aritu ziren gaztetxoenak, suak liluratuta.
Berriro martxan den In Leike taldeak antolatu du aurtengo San Joan bezperako akelarrea, Mendaroko Udalaren laguntzarekin.
- ARGAZKIAK: San Joan bezpera Mendaron
