Maltzagan AP-1 eta AP-8 autobideen arteko lotunea itxiko dute martitzen goizaldean

Barren.eus 2023ko uzt. 17a, 11:30
Deskargatu Info Ahotsak :

Autobidea mantentzeko lanen barruan, uztailaren 18ko goizaldean, martitzena, AP-1a eta AP-8a lotzen dituen adarraren zorua konponduko dute Maltzagan (Elgoibar), Bilborako noranzkoan.

Lanen ondorioz, lotura adarra bost orduz moztuta egongo da, 01:00etatik 06:00etara, 145,000 kilometro puntuan. Lanak gauez egingo dirtuzte, trafikoan ahalik eta eragin txikiena izateko.

Alternatiba gisa, AP-1etik Bilborantz doazen ibilgailuek AP-8tik jarraitu beharko dute Behobia noranzkoan Elgoibarko 64. irteeraraino, eta bertan autobidea hartu berriro Bilborako norabidean.

Gizartea Elgoibar