Haundi Neskak taldea aurkeztu zuen atzo CD Elgoibarrek, eta partida hori baliatu zuten Sara Arriola jokalari elgoibartarrari errekonozimendua egiteko. Sara Arriolak lau urte egin ditu Haundi Neskak taldean jokatzen, kapitaina izan da eta klubetik jakinarazi dutenez, lan handia egin du emakumeen futbolaren alde. Hori dela-eta, atzo omenaldi txiki bat egin zion klubak, Arratiaren kontrako partida hasi aurretxoan. Itziar Gurrutxaga Athletic-eko jokalari izandakoak CD Elgoibarko kamiseta bat eman zion, eta ondoren, jaiei amaiera emateko txupinazoa bota zuen, Jaboga Arrasatek jaiei hasiera emateko egin zuen era berean. Partida 1-3 emaitzarekin amaitu zen. Arratia taldeak Liga Nazionalean jokatzen du, Haundi Neskak baino bi kategoria gorago.
