Elgoibarko Izarra Euskaltzaleon Topaguneak eta Elgoibarko Udalak ondu dute ekitaldia. Azaldu dutenez, gure aurrekoek egin zutelako gara euskaldunak gaur, "egin zenutelako gara!".
Ekitaldirako sortu duten ordubeteko bideo baten emanaldiarekin hasiko daOrdubeteko bideo batekin hasiko daute aitortza ekitaldia. “40 urteko euskalgintzaren berri emateko. Elgoibar herri euskaldunagoa izateko historiaren zati bat bildu dugu bideo batean, eta bideo hori plazaratuko dugu. Gainera, gure esker ona ere azalduko diegu garai hartako eragile eta euskaltzaleei. Errekonozimendu ekitaldia ere izango da”, azaldu dute.
Bideo horren oinarrian daude Elgoibarko Udalaren enkarguz Badihardugu elkarteak egin dituen 45 elkarrizketak. Bertan, 40 urteko euskalgintzaren historia jasotzen da protagonisten ahotik. Ondoren, Elgoibarko garai hartako euskalgintzako eragileak bistaratuko dira banan-banan (eliza, gau-eskola, Ongarri elkartea, Ikastola, e.a.), eta guztien ordezkariak igoko dira Herriko Antzokiko oholtzara, herritarren esker ona eta txaloak jasotzera. Ekitaldia janzteko, musika, bertsoak, dantza, txistua eta antzerkia ere izango dira, besteak beste, eta bi orduko iraupena izango du.
• Gonbidapenarekin
Ekitaldia 18:00etan hasiko da eta parte hartzeko beharrezkoa da gonbidapena jasotzea, elgoibarkoizarra@elgoibarkoizarra.eus helbidera idatziz, 943 741 626 telefono zenbakira deituz, edo aurrez-aurre Aita Agirre kulturgunean, 3. solairuan.
