Elgoibarko Izarra Euskaltzaleon Topaguneak eta Elgoibarko Udalak antolatu dute tailerra, Gipuzkoako Foru Aldundiaren laguntzarekin, eta EMUN kooperatibak, gai sozialak kudeatzeko aholkularitza eskaintzen duen enpresak, emango du.
- 10 orduko tailerra izango da (bost orduko bi saio izango dira) eta urtarrilaren 8tik 18ra eman ahal izango da izena, doan, Elgoibarko Izarraren bulegoan edota hara deituta (943 741 626).
- Urtarrilaren 20an eta 27an izango dira bi saioak, Aita Agirre kulturgunean, 09:00etatik 14:00etara bitartean, eta gehienez 25 lagunentzako lekua izango da.
Antolatzaileek jakinarazi dutenez euskaraz bizi nahi duten hiztunentzat eta hizkuntza kontzientzia duten hiztunentzat antolatu dute tailerra, bereziki bost helburu hauekin: euskaldunok geure buruak babesteko, modu egokian erantzuteko, egin nahi duguna egiteko, konfiantza sentitzeko geure buruengan eta euskaldun moduan indartzeko.
