Ermuko Orbe Kardinalaren Plazan egin zuten Tuper Solidarioa ekimena. Aurreko edizioetan bezala, jendeak oso ondo erantzun zuen, eta 700 tuper saldu zituzten, bakoitza 5 euroan. Gainera, ekitaldian omenaldi hunkigarria egin zioten orain dela hilabete batzuk hil zen "Casa Tiburcio" jatetxe donostiarreko Tibur Eskisabel sukaldariari.
Eskualdeko sukaldariek goiz osoa eman zuten lentejak bakailaoarekin eta arroza Lumagorrierekin prestatzen, ondoren tupper solidarioetan saltzeko. Horrekin batera, janaria bidaltzeko gastuei aurre egiteko, rifak saltzen ibili dira azken egunetan eskualdeko herrietan, eta honako hauek dira zozketan saritutako zenbakiak:
Zaporeak proiektuko arduradunek eskerrak eman dizkiete elkartasun ekimenean parte hartu duten herritar eta boluntario guztiei. "Zuenak bezalako eskualdeek posible egiten dute gure proiektuak aurrera jarraitzea eta guk lanean jarraitu ahal izatea. Zuen laguntza oso garrantzitsua da milaka pertsonak, haurrek, gizonek eta emakumeek janari duina jasotzen jarrai dezaten beraien migrazio bidean", azaldu dute.