Abendua iristearekin batera iritsi da Olentzerori eta Mari Domingiri eskutitza idazteko ordua. Nolanahi ere, Matx-eko kideek gogorarazi dute ez dagoela abenduaren amaierara arte zain egon beharrik. Izan ere, igandea baino lehen matx.eus-en erregistratzen denak opari eder bat irabazteko aukera izango du.
Azken egunetan sartu da Matx-en zozketa erraldoia. Igandea, abenduaren 8a, izango da tokiko kirolaren sare sozialak iragarri duen promozio berezian izena emateko azken eguna. Matx.eus-en erregistratzen den oro opari sorta baten zozketan sartuko da. Honako opari hauek zozkatuko ditu tokiko kirolaren sare sozialak: Euskaltel Euskadiko maillot bat, Gernika Winter Series txapelketako jaialdi baterako bi sarrera eta Forum Sport-en 300 euroko erosketa-bonu bat.
Nola har daiteke parte? Zer egin behar da zozketan parte hartzeko? Bada, oso erraza da. Honako urrats hauek jarraitu behar dira:
- www.matx.eus atarian sartu.
- Izena eman.
- @matxerredakzioa profila jarraitu.
- Igo zure kirol-irudi bat #matxzozketa traola erabiliz.
Dena den, zozketan parte hartzeko, "derrigorrez" profil publikoa izan behar dela gogorarazi dute. Profil pribatua duten erabiltzaileak ez dira zozketan sartuko. Kanpoan geldituko al zara?