Datu honek argi eta garbi azaltzen du txapelketa honek nazioarte mailan duen zabalkundea, Euskal Xake Federazioko arduradunen iritziz. Aurten, gainera, Indiako jokalari batek ere parte hartu du, Srinath Narayanan 14 urteko haur prodijioak. Hori dela eta, arreta handiz jarraitu dute Indian Elgoibarko Txapelketa. Europa ekialdeko herrialdeetan ere beste hainbeste, xakeak zaletu asko baititu herrialde horietan. Euskadin ere gero eta jarraitzaile gehiago ditu Elgoibarko Nazioarteko Xake Txapelketak.
- Gogoratu, Oleg Korneev errusiarrak Elgoibarko Torneoan lortzen duen seigarren garaipena lortu zuela azken txapelketan.