Hainbat fasetan burutuko da lana eta lehen faseari ekingo zaio datozen asteetan. Lehen fase honetan, 1, 2, 4 eta 5 eremuetan jardungo da, guztira 117 partzela eta 625,731 hektarea. Geograma enpresak burutuko ditu lanak eta Udalak 4.338 euroko inbertsioa burutuko du, BEZ gabe.
Landa-partzelen mugak ezagutzeak kudeaketa hobetzen laguntzen duela azaldu dute Udaletik. Nekazaritzako eta basogintzako baimenak aipatu dituzte adibidetzat, laguntza publikoak eta katastroarekin koordinatu ahal izateko.
