Elgoibarko Udalak ez die zabor tasarik kobratuko bost langiletik beherako ostalaritza-establezimenduei, azaroan eta abenduan

Barren.eus 2020ko aza. 9a, 10:45

Elgoibarko Udalak erabaki du ostalariei ez kobratzea azaroko eta abenduko zabor kuota, ostalaritzaren itxiera dekretatzeko Eusko Jaurlaritzak hartutako erabakiaren harira.

Kuota helbideratuta duten bost langile baino gutxiagoko establezimenduek, gaur jasoko dute bigarren seihilekoaren kobrantza, baina atzera botatzeko aukera izango dute. Helbideratuta ez dutenek, ez dute ordaindu beharko hilabete horietan.

Halaber, bi kasuetan, helbideratuta dutenek zein helbideratu gabeek, dagokion hobaria eskatu beharko dute, gaurtik aurrera, Elgoibarko Udalaren Herritarren Arreta Zerbitzuan (HAZ).

∞Lotura duten albisteak:

Udala Elgoibar