Foru Aldundiaren programetan parte hartu duten zenbait udalen esperientziak partekatu zituzten bilera birtual honetan; eta, besteak beste, berdintasuna zeharka lantzearen ideia izan zuten ardatz. Ildo honetan, Udalaren hurrengo erronka Elgoibarko Emakumeen Etxea definitu eta zabaltzea izango dela nabarmendu zuen alkateak. Elgoibarko Udalak Emakumeen Kontseiluarekin eta herriko beste hainbat taldetako eta arlotako emakumeekin elkarlanean diseinatu du Emakumeen Etxea.
Aldundiaren zerbitzuetan 2020-2022. urteetarako ezarri diren berrikuntzen berri ere eman zuten Gipuzkoako Foru Aldundiak antolatutako lan saioan, eta erronka nagusietako bat izango denaz ere berba egin zuten, alegia, udalek beraien prozedura administratibo guztietan genero ikuspegia barneratzeko elkarlanerako lan esparru bat sortzea, eta horretarako, lurraldeko udaletako idazkari eta kontu-hartzaileekin batera lan egingo dute.