Udala

barren.eus-logoa

Tokikom

 

 
 

2020 09 30 fernando suarez zinegotzia elgoibar pse barren aldizkariaPSE-EEko zinegotzi Fernando Suarezek karguari uko egingo dio gaur ospatuko duten udalbatzarraren ohiko osoko bilkuran, arrazoi pertsonalak arguaditatuta.

Fernando Suarez 1956an jaio zen Orensen, baina sei hilabete zituenean Eibarrera bizitzera etorri ziren gurasoak, azken udal hauteskundeetan BARRENek alkategai guztiei eginiko bideo-elkarrizketetan Suarezek berak azaldu zuen moduan. 1975ean afiliatu zen Euskadiko Ezkerra alderdira, eta handik iritsi zen PSE-EEra. 1977an etorri zen Elgoibarrera bizitzera, eta 1999an hartu zuen zinegotzi kargua, Guillermo Garatek alkate zela, eta harrezgero bost legegintzalditan 21 urte egin ditu Elgoibarko Udalean. Une onak eta txarrak bizi izan dituela aitortu du, baina balantze positiboa egiten du. Eskerrak eman dizkie 21 urte hauetan babesa eman dioten elgoibartar guztiei. 

Ariana Nogalesek ordezkatuko du Suarez. Sozialistek zerrendako bigarren postuan aurkeztu zuten Nogales 2019ko Udal hauteskundeetan. Gazteen ordua dela uste du Suarezek, baina hala ere, Elgoibarko PSE-EE alderdiko kide izaten jarraituko du eta aholkulari lanetan laguntzeko prest agertu da.

2020 09 30 plenoa elgoibar fernando suarez pse

∞ Lotura duten albisteak:

 

 

Elgoibarko Izarra

elgoibarkoizarra-logoa-irudia

Gida komertziala

Gida komertziala 2018

Bideoak

Barren astekaria

ePosta harpidetza