Martxoaren 14ko Espainiako Estatuko Aldizkari Ofizialean argitarau den 463/2020 Errege Dekretuaren bidez, Alarma-estatuaren adierazpena jarri da indarrean, hurrengo 15 egunetarako. Helburua COVID-19 Coronavirusaren hedapena saihestea da, osasun-sistema kolapsatzea eragin dezakeelako. Hori dela-eta, ezin da kalera irten, horrelako egoeretan izan ezik:
7. artikulua. Pertsonen zirkulazio-askatasuna mugatzea.
Alarma-egoera indarrean dagoen bitartean, erabilera publikoko bideetatik soilik zirkulatu ahal izango dute pertsonek, honako jarduera hauek egiteko:
Elikagaiak, sendagaiak eta lehen mailako produktuak erosteko.
Osasun-zentro, -zerbitzu eta –establezimenduetara joateko.
Lanlekura joateko, lan prestazioa, enpresa-lana edo profesionala burutzeko.
Ohiko bizilekura itzultzeko.
Mendekotasuna dutenak zaintzeko (adinekoak, adin-txikikoak, mendekotasunen bat dutenak zein bereziki ahulak diren pertsonak).
Finantza-erakundeetara eta aseguru-etxeen bulegoetara joateko.
Ezinbesteko egoerak edo beharrak kudeatzeko
Aurrekoen tankerako beste edozein jardueratarako, banaka egiten bada, edo laguntza berezia behar duen pertsona bati laguntzeko egiten bada.
Halaber, ibilgailu partikularrek erabilera publikoko bideetan zirkulatu ahal izango dute, aurreko paragrafoan aipatutako jarduerak egiteko edo gasolina-zerbitzuguneetan edo gasolina-zerbitzuguneetan erregaia hartzeko.
Nolanahi ere, lekualdaketetan osasun-agintariek emandako gomendioak eta betebeharrak errespetatu beharko dira.
Barne Arazoetako ministroak errepideak edo bide-zatiak zirkulazioari ixtea erabaki ahal izango du, osasun publikoa, segurtasuna edo zirkulazioaren arintasuna dela eta, edo arrazoi berberengatik ibilgailu jakin batzuen sarbidea murrizteko.
•Eraikin publikoak, parkeak eta komun publikoak itxita
Elgoibarri dagokionez, Eraikin publiko guztiak itxita egongo dira alarma-egoera dela-eta, hala badagokio, hartzen diren luzapenak indarrean dauden bitartean (langileentzat izan ezik).
Ekitaldi publiko guztiak etengo dira alarma-egoera indarrean dagoen bitartean, eta, hala badagokio, baita hartzen diren luzapenak ere, eguenetako merkatua erta hilabete amaierako azkoka barne.
Jendearentzat ixten dira parkeak eta komun publikoak, alarma egoera dela-eta, hala badagokio, hartzen diren luzapenak indarrean dauden bitartean. Herritarrenganako zuzeneko arreta etenda dago Udalean, eta larrialdietarako arreta gunea baino ez da egongo Udaltzaingoan.
Administrazio-prozeduren epeak bertan behera geratuko dira Alarma egoerak iraungo duen 15 eguneko epean.
Alarma-egoeraren dekretua edo, hala badagokio, dekretu horren luzapenak bertan behera geratzen diren unean hasiko dira zenbatzen epeak.
Beraz, edozein dokumentu aurkezteko premiak itxaron dezake.
Udalarekin harremanetan jartzeko, honako telefono-zenbaki eta helbide elektroniko hauek erabili beharko dira:
Herritarren Arretarako Bulegoa:
Tel.: 943-74.10.50
E-mail: arreta@elgoibar.eus
Udaltzaingoa
Tel.: 943-74.13.94 /
E-mail: udaltzaingoa@elgoibar.eus
Lasaitasunerako deia
Elgoibarko Udalak lasaitasunerako deia helarazi nahi die herritarrei. "Hartutako neurriak prebentzio-neurriak dira, kutsatze masiboa eta aldi berean kutsatzea saihesteko". Elikagaien eta premia biziko produktuen hornidura bermatuta dago, eta, horregatik, zentzuz jokatzeko eta osasun agintarien gomendioak jarraitzeko eskatzen zaie herritarrei. Gaixotasunaren sintomak sentituz gero, ez joan osasun-zentrora, geratu etxean eta deitu 900 20 30 50 telefono zenbakira.
∞Lotura duten albisteak:
-
Konfinamendu egoeran, ekimen berezia abiatu du Mauxitxa txarangak (2020-03-17)
- Koronabirusaz kutsatuta dago eibartar bat Mendaroko ospitalean (2020-03-16)
- 60.000 euro arteko isunak jarri ditzakete segurtasun neurriak ez betetzeagatik (2020-03-16)
- Alarma egoera honetan zer egin daiteke? (2020-03-16)
-
Herritarrei arduraz kontsumitzeko eskatu diete Jaurlaritzak, Elikagaien Klusterrak eta hainbat supermerkatuk (2020-03-16)
- Ekimen polita sortu dute Mendaron etxeko egonaldia haurrentzat eramangarriagoa izan dadin (2020-03-15)
- Pasealekuetara edo mendira irten diren herritarrei etxera bueltatzeko agintzen ari da polizia (2020-03-15)
- TOKIKOMen eta BARRENen adierazpen instituzionala, osasun alerta egoeraren aurrean (2020-03-15)
- Konfinamendua ezarriko du Espainiako Gobernuak (2020-03-14)
- Elgoibarko anbulatorioko urgentzia zerbitzua itxita dago gaurtik (2020-03-15)
- Kaleak erdi hutsik Elgoibarren eta Mendaron ere (2020-03-14)
- Eguneko zentroak, kirolguneak, ostalaritza, txoko eta gurtza zentroak itxi ditu Jaurlaritzak (2020-03-14)
- Elkarte gastronomikoek ere ateak itxiko dituzte Mendaron, koronabirusagatik (2020-03-13)
- Larrialdi pediatrikoak lekuz aldatu dituzte Mendaro Ospitalean, koronabirusagatik (2020-03-13)
- Herriko Antzokirako erosi diren txartelen dirua bueltatu egingo du Udalak (2020-03-13)
- Autobusetan ezingo da diruarekin ordaindu (2020-03-13)
- Elgoibarko Izarrak bertan behera laga ditu martxorako programatutako ekintzak (2020-03-13)
- Osasun larrialdiko egoera jarri du indarrean Jaurlaritzak (2020-03-13)
- Udal zerbitzu eta espazioak hamabost egunez ixtea erabaki du Elgoibarko Udalak ere (2020-03-12)
- Enpresetan ere hasi dira koronabirusari aurre egiteko neurriak zorrozten, Danobaten esaterako (2020-03-12)
- Eskola kiroleko eta kirol federatuko saio guztiak bertan behera utzi dituzte (2020-03-12)
- Gipuzkoa eta Bizkaiko ikastetxe guztiak ixtea erabaki du Jaurlaritzak, hamabost egunerako (2020-03-12)
- Motxaila Eguna bertan behera gelditu da (2020-03-12)
- Musika Eskolak bertan behera laga du gaur arratsaldeko dantza jaialdia eta aurrez auureko eskolak eten ditu (2020-03-12)
- Jubilatu etxeak itxiko dituzte Elgoibarren eta Mendaron ere, Osasun Sailaren gomendioz (2020-03-12)