Elgoibarko Udalak, Lanbiderekin elkarlanean, administrari laguntzaile bat kontratatuko du 6 hilabeterako. Udaltzaingo sailean lan administratiboa egiteko izango da lanpostua, zehazki, IZFEko aplikazio berria martxan jartzeko.
Udalak jakinarazi duenez, lanaldia %70ekoa izango da eta azaroaren 25erako lanean hastea aurreikusten dute. Bete beharreko ezinbesteko baldintzei dagokionez, Elgoibarren erroldatua izateaz gainera, nabarmentzekoak dira, besteak beste, honako baldintzak:
- 35 urtetik beherako emakumeak.
- Emakumeak 45 urtetik gorakoak, baldin eta enplegu-eskatzaile gisa kontratatu aurretiko 180 egun eman badute.
- 55 urtetik gorako emakumeak.
- Emakumeak luzaroko langabeak. Luzaroko langabetzat joko dira kontratatu aurreko 540 egunetan Lanbide-Euskal Enplegu Zerbitzuan lan-eskatzaile gisa inskribatuta egon eta langabezian gutxienez 360 egun eman dutenak.
- Gizarte-bazterketa jasateko arriskua duten emakumeak.
Hautaketan parte hartu nahi dutenek azaroaren 13a, eguaztena, baino lehen entregatuko beharko dute eskaera. Informazio gehiagorako: 943 741 050 / pertsonala@elgoibar.eus. Harremanetarako pertsona: Iratxe Pikaza (8:30-15:30)