Udala

barren.eus-logoa

Tokikom

 

 
 

2019 07 04 elgoibar baserri bideak bioin mendikatElgoibarko Udalak ordenantza berria jarriko du martxan, Udal titularitatekoak diren baserri bideen erabilera arautzeko. Araudi berria onartu aurretik, baina, baserri bide horien erabilerari buruzko herri-galdeketa egingo dute.

 

Elgoibarko Udalak jakinarazi duenez, herritarrek eta erakunde nahiz elkarte esanguratsuenek gai honen inguruan izan dezaketen iritzia jaso nahi dute herri-galdeketa eginda. Honenbestez, behar bezala identifikatutako herritarrek, erakundeek eta elkarteek, hala nahi izanez gero, iritziak eta iradokizunak bidali ahal izango dituzte Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbidera eta HAZ zerbitzura, 2019ko uztailaren 18ra bitartean.
Kontsultaren tramitea egin ostean, eta aurkeztutako proposamenak aztertu eta Ordenantza onartzeko prozedurari ekin ondoren, Ordenantzaren zirriborroa argitaratuko dute Elgobarko Udalaren web atarian, eragindako herritarrek, beste behin ere, entzunaldia egiteko aukera izateko; eta hartara, egokitzat jotzen diren ekarpen gehigarri guztiak jasotzeko.

Mendi eta basoetatik egurra ateratzeko edo beste zenbait lan egiteko ibilgailu astunek baserri bideak erabiliz gero, bide horiek ohikoa baino narridura edo kalte handiagoa izan dezaketela dio Udalak, arautu gabe egotearen ondorioetako bat bistaratzeko. "Gaur egun udal mailako inolako erregulaziorik ez duen gai bat da, eta Udalak ez daki nor ari den bide horiek modu berezian erabiltzen; eta gainera, udal erakundea da, bere kontura, kamioi horiek sortzen dituzten kalteak konpontzeaz arduratu behar dena", adierazi dute.

Sanbartolomeak2019

 

Elgoibarko Izarra

elgoibarkoizarra-logoa-irudia

Gida komertziala

Gida komertziala 2018

Bideoak

Barren astekaria

ePosta harpidetza