Nerea Alustiza izango da PSE-EEren alkategaia

Barren.eus 2015ko urt. 21a, 18:37

Nerea Alustiza izango da Elgoibarko PSE-EEren alkategaia maiatzeko Udal Hauteskundeetan. Sozialisten egoitzan egin dute aurkezpen ekitaldia, eta Denis Itxaso Gipuzkoako Foru Aldundirako hautagaiaren laguntza izan du Alustizak. 

 Nerea Alustiza 2011n sartu zen zinegotzi Elgoibarko udaletxean, Ovidio Campelloren heriotzaren ostean. Fernando Suarezekin batera bera izan da legealdi honetan sozialisten ordezkaria Elgoibako Udalean, eta Ongizate Sailaren ardura izan du. Orain sozialisten alkategaia izango da datozen udal hauteskundeetan. Aurkeztuko duten programaren ildo nagusiak ere azaldu ditu Alustizak: langabezia murrizteko Lan Mahai bat eratzea, laguntza sozialak indartzea, etxebizitza eskuratzeko planak abian jartzea, ondare historikoa berreskuratzeko eta zabaltzeko mahaia sortzea eta askatasuna eta berdintasuna sustatzea arlo guztietan. 

Ikus prentsaurrekoa bideoan (www.socialistasguipuzcoanos.com)