Elgoibarko Kultur Etxean izango da Elgoibarko Ahal Dugu-Podemos alderdiaren bilera irekia, 19:00etan hasita. Eztabaidagaien artean, Elgoibarko erakunde desberdinekin egin nahi dituzten bileren inguruan jardungo dute. Elgoibarko Zirkuluak eman beharreko hurrengo pausoak ere hizpide izango dituzte, eta horrekin lotuta, Zirkuluaren berri herrian nola eman edo nola ezagutarazi ere aztertuko dute bilera irekian parte hartzen duten lagunek. Azkenik, proposamenak, galderak eta iruzkinak egiteko tartea ere izango dela jakinarazi dute.