Bihar egingo du deialdia ofizialki Pedro Sanchez Espainiako presidenteak, Ministroen Kontseiluaren ezohiko bileraren ostean, baina gaur aurreratu du uztailaren 23ra aurreratuko dituztela Gorteetarako hauteskundeak.
Kolpe handia jaso zuen atzo PSOEk Espainian, PPk irabazi baitzuen Espainiako hiri eta erkidego nagusietan. Sanchezek esan du bere gain hartzen dituela atzoko emaitzak eta herritarrek erabaki behar dutela orain zein politika mota egitea nahi duten eta zein alderdik bultzatu behar dituen politika horiek.
