Elgoibarko EHBilduk Aitziber Aranberri Uranga Elgoibarko Udalerako alkategaiaren eta Maddalen Iriarte Okiñena Gipuzkoako Batzar Nagusietarako hautagaiaren arteko solasaldia antolatu zuen.

Eneritz Azkuek gidatu zuen joan den martitzenean EH Bilduren Bilgunean egin zuten solasaldia. Gipuzkoan gauza asko dagoela hobetzeko nabarmendu zuten bi hautagaiek, eta hobekuntza hori gauzatzeko aukera errealak badaudela esan zieten bildutakoei. “Guk ez badugu egiten, ez du beste inork ere egingo”, esan zuen zuen Aitziber Aranberrik. Elgoibar eta Gipuzkoa hobetzeko erronkei aurre egiteko balioko duen proiektuaren inguruko zenbait zertzelada ere aurreratu zituzten.

Hautagai zerrendaren eta programaren gainean honakoa esan zuen Aranberrik: "Elgoibarren eta Gipuzkoan EH Bildu da alternatiba bakarra, aukera posible bakarra. Gure herrian ezkerreko independentismoa, buru-belarri murgilduta ibili da azken hilebeteetan herria hobetuko duen proiektu sendoa lantzen, garatzen, eta fintzen. Horretarako pertsonak eta haien beharrak jarri ditu erdigunean. Egitasmo hori martxan jartzeko, lan-taldea ere prest dago. Plantxaren aurreneko izen batzuk berriz errepikatuko dira eta hainbat sektoretan dihartuten beste batzuek ere parte hartuko dute. Guztiek dute esperientzia, lanerako borondatea eta herriaren alde onena emateko prestutasuna".

Udal Hauteskundeetarako Bilduren hautagaitza eta herri-programa militanteei aurkezteko ekimena martxoaren 14an egingo dute, Biltokian bertan, 19:00etatik aurrera egingo duten herri-batzarrean. EH Bilduko kideek bozketa bidez berretsi beharko dute proposamena.