Trantsizio energetikoari buruzko hitzaldia emango du Iñigo Ansolak Elgoibarren

Barren.eus 2022ko aza. 15a, 16:02

Elgoibarko EAJ-k antolatuta, energiaren egungo egoerari buruzko hitzaldia emango du Iñigo Ansola Kareaga Energiaren Euskal Erakundeko (EVE) zuzendari nagusiak.

Trantsizio energetikoa eta energia berriztagarriak izango ditu hizpide Iñigo Ansolak. Eguaztenean izango da, azaroaren 16an, Aita Agirre kulturguneko areto nagusian. 18:30ean hasiko da solasaldia.