Urtarrilaren 9 urte beteko dira Ainara Ladron elgoibartarrak beste lau gazterekin batera, Zarautz parean A8 autobidea itxi zutenetik, Segi erakunde "terrorista" izendatu izana salatzeko. Bide mozketa horren inguruko epaiketa gaur hasiko da Donostiako Lurralde Auzitegian.
Protesta harekin bi aldarrikapen nagusi egin nahi izan zituzten gazteek, joan den astean ohar batean gogoratu zutenez. Batetik, "euskal gazteriak militatzeko zuen eta duen eskubidea aldarrikatzea", eta, bestetik, Segi erakundea "terroristatzat" jotzeak "euskal gazteriaren eta Euskal Herriko askapen borrokan edukiko zituen ondorio latzak" salatzea. Hiru aldiz jarri diete epaiketarako data eta hiruretan atzeratu ostean, gaur hasiko da epaiketa.
Ainara Ladron elgoibartarrak, Aritz Azkona arrietarrak eta Naroa Ariznabarreta eibartarrak uko egin diote gaur epaituak izateari. Lege injustuetan oinarritutako epaiketa politikoa dela argudiatuta, ez dute parte hartuko epaiketan. Argia.eus-i azaldu dizkiote arrazoiak hirurek, honako bideoan.
•Kontzentrazioa
Epaiketa salatzeko kontzentrazioa egingo dute Elgoibarren gaur arratsaldean (19:30). Eibarren, berriz, Askegune bat antolatu dute. 18:00etan bideo emanaldia eskainiko dute eta manifestazioa hasiko da 19:30ean.
∞Lotura duten albisteak:
- Tortura eta eraso sexistak salatu ditu Ladronek Murillo epailearen aurrean (2014-09-23)
- Segiko kide izatea egotzita, Ainara Ladron eta beste 27 gazteren kontrako epaiketa hasi da Madrilen (2014-09-22)
- Ainara Ladron ez da epaiketara aurkeztu (2013-10-30)
- Urriaren 30ean hasiko dute Ainara Ladronen kontrako epaiketa Donostian (2013-10-29)
- Ainara Ladroni harrera egin diote goizaldean (2012-03-28)
- Ainara Ladron presoa aske geratuko da 30.000 euroko bermea ordainduta (2012-03-27)
- Ainara Ladronen aldeko argazkia atera dute (2010-11-08)
- Ainara Ladron espetxera bidali du Grande-Marlaska epaileak (2010-10-27)
- Ainara Ladroni elkartasuna adierazi diote asteburuan (2010-10-25)
- Ainara Ladron atxilotu du Espainiako Poliziak (2010-10-22)
- Ainara Ladron Auzitegi Nazionaletik bueltan; fiskala ez da agertu (2008-02-11)
- Grande-Marlasca epailearen aurrean deklaratu beharko du Ainara Ladronek A-8 errepidea mozteagatik (2008-02-04)
- Ainara Ladron elgoibartarra atxilotu du Ertzaintzak A-8 errepidea mozteagatik (2007-01-15)