“2019ko udal hauteskunde programan sozialistok auzoak eta hirigunea lotuko zituen garraio publikoa martxan jartzeko ikerketa egitea aldarrikatu genuen, eta legegintzaldi honen hasieratik zerbitzu hori martxan jartzeko lanean ari gara, botoa eman ziguten herritarrekin konpromisoa dugulako", adierazi dute talde sozialistako ordezkariek.
Era berean, PSE-EEk esan du bera izan dela zerbitzua martxan mantentzea bermatu duena: "2021eko udal aurrekontu proiektuaren negoziazioan, EAJko alkateak zerbitzu horretarako partida ekonomikoa murrizteko eta ondoren kentzeko asmoa zuenez, PSE-EEk Udalbus zerbitzuak martxan jarrai zezala eskatu zuen, Urazandiko igogailuen lanetaz harago. EAJk autobusa kentzea defendatu zuen, eta PSE-EEk lortu zuen EAJk iritziz aldatzea”.
Dena dela, herri barrurako autobus zerbitzua hobetu egin behar dela uste du alderdi sozialistak, gaur egungoa "ez delako nahikoa". Bere ustez, bere jarduera udalerri osora zabaldu behar da, auzoetako bizilagunek ere erabili ahal izan dezaten. Ildo honetan, PSE-EEk "zorroztasuna" eskatu dio EHBilduri kritika politikoan, eta azpimarratu du Udal Gobernuan "ausardiaz eta seriotasunez" jokatzen ari dela, bizilagunen beharrei erantzuteko bere esku dagoen guztia eginez.
• Mugi sisteman sartzeko bilerak
Bestalde, PSE-EEk bilera bat egin du Mugikortasuneko eta Lurralde Antolaketako diputatu Rafaela Romerorekin eta Mugikortasuneko eta Garraio Publikoko zuzendari Ander Iturrirekin Udalbus zerbitzua Lurraldebuseko Mugi Sisteman sartzeko, eta elgoibartarrek txartel horren onurak eskuratu ahal izateko. Bilera horretan izan ziren, besteak beste, Ariana Nogales Elgoibarko Udaleko bozeramaile sozialista, Ane Beitia alkatea eta Josu Arraiz alkateordea.
∞Lotura duten albisteak:
- Udalbus zerbitzuak arrakasta izateko interesik ez jartzea leporatu dio Elgoibarko EHBilduk EAJri (2021-09-14)
- Udalbusaren prezioa gehiegizkoa dela uste du Duintasunak, eta pentsiodunentzat eta behartsuenentzat doakoa izatea eskatu du (2021-03-31)
- Udalbus zerbitzua mantentzea "albiste ona" dela esan dute PSE-EEK, EHBilduk eta Podemos-ek (2021-03-26)
- Udalbusa mantentzea erabaki du Elgoibarko Udalak, baina bidai bakoitzak euro bateko prezioa izango du (2021-03-24)
- Erabiltzaile gehien dauden ordu tarteetan autobusaren zerbitzua indartzea eskatu du EH Bilduk (2021-02-26)
- Gutxienez Urazandiko igogailuaren obra bukatu arte martxan egongo da herri barruko autobus zerbitzua (2021-02-25)
- Autobusaren inguruko eztabaidari uko egitea aurpegiratu dio EH Bilduk Udal Gobernuari (2020-11-03)
- Herriko autobus zerbitzuak geraleku gehiago izango ditu astelehenetik aurrera (2020-10-29)
- Herrirako autobus zerbitzu osoa jartzeko eskaera egin du EHBilduk eta eskaera hori aztertzeko konpromisoa hartu du Udalak (2020-09-30)
- Elgoibarko udalerri osoa hartuko duen autobus zerbitzua eskatu du EH Bilduk (2020-09-15)
- Herri barruko autobus zerbitzua martxan izango da Urazandin igogailu publikoa ipintzeko lanak amaitu artean (2020-09-03)
- Abuztuaren 10ean hasiko dituzte Urazandin bi igogailu publiko eraikitzeko lanak (2020-07-30)