Politika

barren.eus-logoa

Tokikom

 

 
 

2021 06 24 pedro mugurutza etorbidea elgoibar plaka barrenElgoibarko Udalak irailean abiatuko du Pedro Mugurutza etorbideari izena aldatzeko partaidetza prozesua, eta bi fase izango ditu.

 Lehenengo fasean izen-proposamenak aurkeztuko dira, eta, bigarrenean, azterketa tekniko bat egin ondoren, bizikidetza-mahaiarentzat bideragarrienak diren eta Elgoibarko kale-izendegian parte hartzeko baldintzak betetzen dituzten aukerak bozkatuko dituzte herritarrek. Irailean jasoko dira izen proposamenak eta aukeraketa azaroan abiaraziko dute.

Emaitza loteslea izango da. Eusko Jaurlaritza memoria demokratikoari buruzko lege bat idazten ari da, eta lege horrek babestuko du 1936ko altxamenduari edo erregimen frankistari lotutako edo haren aldeko pertsonei lotutako erreferentzia oro ezabatzea. Testuinguru horretan, Pedro Muguruza garaiko arkitektoa eta erregimenaren kongresuko Legebiltzarkideari buruzko aipamena Elgoibarko kaleetatik kendu beharreko elementutzat hartuko litzateke.

Prozesuan parte hartzeko arauak:

  • Lehenengo fasean parte hartzeko Elgoibarren erroldatuta egon beharko da, eta gutxienez 16 urte izan beharko ditu.
  • Beharrezkoa izango da kalearen izena aldatzeko proposatutako nomenklatura argudiatzea.
  • Proposamenak printzipio hauek errespetatu beharko ditu: genero-berdintasuna, ekitatea, ez izatea gaitzesgarria, komikoa edo nahasgarria. Erraz identifikatzeko modukoa eta gutxiengoak errespetatzen dituena izan beharko du. Ahal dela, udalerriko toponimia, ezaugarri kulturalak, sozialak edo eragin historikoak hartuko ditu kontuan. Eta, bere esanahi handiagatik izan ezik, ezingo ditu bizirik dauden pertsonak aipatu.
  • Parte hartzeko bigarren fasean, behin bakarrik bozkatu ahal izango da.

∞Lotura duten albisteak:

 

 

Elgoibarko Izarra

elgoibarkoizarra-logoa-irudia

Gida komertziala

Gida komertziala 2018

Bideoak

Barren astekaria

ePosta harpidetza