Salbuespenezko espetxe politika bertan behera lagatzeko eta larriki gaixo dauden presoak askatzeko eskatuko du Sarek domekan. Sebas Etxaniz elgoibartarrak 78 urte beteko ditu aurten, eta Joseba Arregi oñatiarrak, 75 urte. Etxaniz, etxean dago eskuko telematikoarekin, eta Arregi, Martuteneko espetxean. Oñati eta Elgoibar lotuko dituen bizikleta martxa egingo dute domekan. 10:00etan irtengo da tropela Oñatiko plazatik eta Elgoibarren bukatuko da martxa, Maalako parkean. Segidan, Kalebarren plazan egingo dute ekitaldia 13:00etan. Informazio gehiagorako edo izena emateko, ondorengo telefonora deitu behar da: 692 706 011. Barikuan, bestalde, Josu Lariz etxera! Salbuespenezko espetxe politikarik ez! lemapean elkarretaratzea egingo dute 20:00etan, Kalegoen plazan.
Debagoieneko eta Debabarreneko Sareko kideek mobilizazioen berri emateko Oñatin eginiko agerraldian jaso du Goienak honako bideoan.
∞Lotura duten albisteak:
- Salbuespeneko espetxe politikarekin amaitzeko bizikleta martxa antolatu du Sarek maiatzaren 30erako (2021-05-19)