Sarek jakitera eman duenez, zapatuko mobilizazioetan 50.000 pertsonatik gora bildu zituen, 238 herritan. Izan ere, urtero Bilbon egiten den manifestazioa Euskal Herrian barrena barreiatu zen aurtengoan pandemia dela-eta. Sarek "salbuespenezko neurriak" aldatzeko garaia dela aldarrikatu zuen elkarretaratzeetan, eta eskatu dute presoak hurbiltzea eta gradu progresioan aurrera egitea. Eskari horrekin bat egin dute EAJk, EH Bilduk eta Ahal Duguk, baita euskal sindikatu guztiek ere.
Sarek "oinarrizko" sei eskari plazaratu ditu: euskal presoen euskal herriratzea, senideei eragindako zigor erantsia amaitzea, preso guztiei gradu progresioa ahalbidetzea, larri gaixo dauden eta adinez nagusi diren presoak etxeratzea, haur motxiladunek gurasoekin bizitzeko duten eskubidea errespetatzea, eta Frantzian betetako zigor urteak Espainian kontuan hartuak izatea. Elgoibarko Sarek Maalan eginiko ekitaldiko laburpen bideoa igo du sarera.
∞Lotura duten albisteak:
-
Presoen etxeratzea aldarrikatzeko Sarek antolatutako ekitaldia Maalan izango da, eguraldi txarra iragarria dagoelako (2021-01-05)
- Presoen eskubideak aldarrikatu zituzten zapatuan ‘Izan bidea’ egitasmoaren barruan (2020-10-07)
- Bertan behera laga dute '650 tontor egitasmoa', eguraldi iragarpenagatik (2020-10-01)
- Elgoibarko eta Mendaroko mendietara irteerak antolatu ditu Sarek, Izan Bidea egitasmoaren barruan (2020-09-30)