Elgoibarko EH Bilduk antolatu du ekitaldi politikoa, azaroaren 10eko Espainiako Kongresurako eta Senaturako hauteskunde kanpainaren barruan. Ekitaldia 19:00etan hasiko da, Maalako parkean. Espainiako kongresuko diputatu ohia den Beitialarrangoitiaren berbaldiaz gainera, luntxa ere egongo dela jakinarazi du EH Bilduk, eta musikak ere izango du lekua, Irati eta Amets musikariak girotuko baitute ekitaldia.
Elgoibarko EH Bilduk gaineratu du propaganda banatzeko bi ekitaldi ere egingo dituztela asteon. Martitzenean, azaroaren 6an, izango da aurrenekoa, 19:00etatik aurrera karpa jarriko dute Kalebarren plazan. Barikuan, berriz, hauteskunde kanpainako azken egunean, Kalegoen plazan banatuko dute propaganda, 19:00etan.