Hiru aste pasatu dira Kalegoen plazako 4. zenbakiko etxebizitzaren zati bat erori zenetik, eta EHBilduko kideek kaltetuen ahotik ezagutu nahi izan dituzte euren kezkak eta beharrak. Era berean,EHBilduko kideek orain arteko egoerari buruz daukaten informazioa helarazi zieten bizilagunei. EHBilduko kideak kezkatuta agertu dira inguru horretako negozioak oraindik itxita daudelako.
EHBilduk bileraren balorazio positiboa egin du, herritarren parte-hartzea "handia" izan zelako, eta hemendik aurrera ere kaltetuei laguntzeko ahalegina egingo duela adierazi dute, bai udaletxean eta baita Udaletik kanpora ere.